Perilak identifikatzeko informazioa honela lor daiteke:

Dokumentazioa

Kargak eskuz goratzea
3 kg baino gehiagoko pisua duten objektuak eskuz goratu, haiei eutsi edo pausatzea.

Kargak eskuz garraiatzea
3 kg baino gehiagoko pisua duten objektuak eskuz metro bat baino gehiago eramatea.

Kargak eskuz bultzatu eta herrestan eramatea
Objektu bat bi eskuekin bultzatu edo herrestan eramatea, zutik egonik edo ibilian.

Lan errepikakorra
Goiko gorputz-adarrak ordubetez mugitzea, bai lan-zikloak daudelako, edozein izanik ere haien iraupena, bai keinu edo mugimendu berak denbora horren % 50ean egiteagatik.

Jarrera behartuak
Jarrera estatikoak 4 segundo baino gehiagoz hartzen dira edo laneko denboran errepikatzen diren jarrera dinamikoak egiten dira.

Definizio horien iturria ISO TR/ 12295:2014 eta Ergonomia ataria

Pertsonak eskuz mobilizatzea
Pertsona bat mobilizatzea, gorputz osoa edo gorputzaren zati bat eskuz goratuz.

Indarrak aplikatzea
Kontrolekin, aginteekin edo pedalekin lan egitea (eskuen edo hanken indarra erabiliz).

Behaketa

Arrisku ergonomikoko faktoreak identifikatzeko zerrendak erabil ditzakegu (ETEan arrisku ergonomiko eta psikosozialak ebaluatu eta haiei aurrea hartzeko eskuliburua)

Kontsulta

Lanpostu bakoitzean sintomatologia-aurrekariak, molestiak, nekadura, zeregin neketsuak... dauden jakitea (ERGOPAR metodoa).

Osasuna zaintzea

Gehiegizko ahaleginagatik, eritasun profesionalen kasuengatik edo bestelako kalte muskulu-eskeletikoengatik (bizkarreko, lepoko minak...) izandako laneko istripuen datuak berrikustea.