Neurri teknikoez gainera, ezinbestekoa da peril horiek ezabatzeko antolaketa-neurriak txertatzea:
• Ekipoak eskuratzeko erosketa-prozeduran kontuan izan beharko dira printzipio ergonomikoak, bereziki lanpostuaren diseinuari eta laneko ekipoa erabiltzean langileek izanen duten kokapenari begira. (1215/97 ED).

• Lanpostuen diseinu egokia prebentzio-ekintzaren printzipioetako bat da, eta peril ergonomikoa ezabatzeko edo arrisku ergonomikoa gutxiagotzeko aukera ematen du. Prozesuen automatizazioaren edo mekanizazioaren bidez ez da gizakiaren esku-hartzerik beharko. Adibidez: paletizazioa, garabi eta orga garraiatzaile-jasotzaileak, garabiak eta portiko-garabiak, sistema garraiatzaileak.
• Eskuz goratzen edo garraiatzen diren 3 kg baino gehiagoko objektu guztiak ez manipulatzea.
• Objektuak goratu beharrean mugitzea.
• Karga murriztea edo berriz diseinatzea (pisua, tamaina, eustea, grabitate-zentroa, etab.).

• Laguntza mekanikoak erabiltzea. Objektuen eta gizakien eskuko manipulazioa edo garraioa eta bultzada-trakzioa murriztea edo ezabatzea, horretarako baliabide mekanikoak erabiliz (garabiak, orga jasotzaileak, transpalet elektrikoak, zinta garraiatzaileak, kutxa eta apal gurpildunak, transferentzia- eta bipedestazio-garabiak, ohe motordunak, bedmoversak...).
• Laneko ingurunea hobetzea (irismenen gainean eragitea, espazio faltagatik behar gabeko gorputz-enborraren biraketak saihestea, etab.).
• Ekipo eta lantresnen mantentze-lan egokia.
• Lanaren antolaketaren gainean aritzea (lanaren gehiegizko karga, erritmo handia, epe laburrak, atsedenaldiak, errekuperazio-garaiak, etab.).